عدن اوبزيرفر:قال الدكتور هاني تمام، أستاذ الفقه بجامعة الأزهر، إن الإسلام أمرنا بحسن اختيار من يكون أبا مناسبا، وأما مناسبة لتربية الأولاد، مضيفا: لو عاوز تتزوج اختار الأم الصالحة لأبنائك، وكذلك للزوجة لازم تختار من هو أهل لتربية الأبناء، وتحمل المسئولية.
أستاذ فقه بالأزهر: لما تتزوجوا اختاروا صح عشان تعرفوا تربوا أولادكم
وتابع أستاذ الفقه بجامعة الأزهر، خلال تصريحات تليفزيونية: كل شخص لازم يفكر قبل الزواج من سيتحمل معه مسئولية الأولاد، ولا يكون التفكير شخصي في الأولاد فقط، طيب أنت عاوز تخلف اختار صح، عشان كده سيدنا النبي محمد صلى الله عليه وسلم، قال تنكح المرأة لأربع، لمالها وجمالها وحسبها ونسبها، ودينها فاظفر بذات الدين تربت يداك، هنا سيدنا النبي بيخبرنا إن الرجل بيروح للطبائع دي، وهذا ليس توجيه، لكن بيقول لنا اختار صاحبة الدين.
واستكمل أستاذ فقه: صاحبة الدين هي من تصون أولادك وتحفظك، ويعود هذا على المجتمع، شوف حقوق الطفل تبدأ من قبل الزواج، لازم كل طرف يختار صح حتى يأتي بأطفال صالحين.
هاني تمام: كثرة الإنجاب تحول أولادكم أعداء لكم
وخلال الحلقة، قال الدكتور هاني تمام، أستاذ الفقه بجامعة الأزهر، إن كثرة الإنجاب تتحول إلى كارثة، ومقولة العيال عزوة بتتحول لنقمة، مضيفا: كل أب لابد أن يراعى قدراته المالية والصحية والاجتماعية، فى عدد الأطفال التى يريد إنجابهم.
وتابع أستاذ الفقه بجامعة الأزهر: العيال عزوة ليس فى الدنيا، وإنما فى الآخرة هتبقى عزوتك الحقيقية لما تربيهم صح ويكونوا نافعين لدين ربنا، العبرة مش أجيب عيال ولا أعرف اربيهم وأقول العيال عزوة، ومش عارف أراعيهم صحيا ولا اجتماعيا ولا ماليا.
واستكمل: لما تنجب عيال أكثر من طاقتك وقدراتك، فأنت كده بتظلم ولادك، لازم تراعى قدراتك الصحية والنفسية والاجتماعية، العيل ممكن يكون نقمة عليك ممكن يكرهك اليوم اللي خلفته فيه، ويتحول لعدو لك، لما لا تحسن تربيته ولم تراعى ربنا فيه.القاهرة24
