عدن اوبزيرفر:كشفت الفنانة شيرين رأيها في النجمة منة شلبي بعد مشاركتها معها في مسلسل تغيير جو، الذي عرض خلال الموسم الرمضاني الماضي 2023، مشيرة إلى أنها ممثلة قوية.
وقالت شيرين لـ القاهرة 24: منة ممثلة قوية جدا بتفكرني بالفنان الراح أحمد زكي، وبتلبس الدور زي ما يكون الواحد بيلبس فستان ومش بتقلعه غير لما تخلص، وأنا حسيت إني أصبح لدي ابنة أخرى بجانب ميريت ودنيا وإيمي سمير غانم، وعلاقتي بها لم تنقطع حتى الآن وبتكلمني وبتسأل عليا وبتقول لي أي حاجة عاوزها كلميني وليها وكل الحب والاحترام.
وأضافت: منة شلبي ممثلة جيدة واللي تعمل مسلسل في كل أسبوع يوم جمعة، تمثل أي حاجة في الدنيا، وربنا يوفقها.
كما عبرت شيرين عن سعادتها بتعاونها مع الفنانة ميرفت أمين في مسلسل تغيير جو، قائلة: اشتغلت مع ميرفت قبل المسلسل، وإحنا صحاب وطلعنا من مسلسل تغيير جو صحاب أكتر وأكتر.
شيرين: كنت متعطشة للتمثيل
وقالت شيرين إنها كانت متعطشة للتمثيل، ولم تجد صعوبة في المشاركة في 3 أعمال دفعة واحدة في الموسم الرمضاني الماضي، قائلة: سعدت جدًا بالمشاركة في 3 أعمال، زي إحساس لما تكوني جعانة أو عطشانة وفجأة تلاقي تلات أنواع عصير أنت بتحبيهم، خاصة إني كان عندي طاقة مخزونة وعاوزة أطلع كل اللي عاوزاه وطلعته في التلات أعمال اللي عملتهم وسعيدة جدا بيهم ومشاركتي مع ناس أول مرة أشاركهم.
