وجهت الإعلامية ياسمين عز نصائح للسيدات بسبب قدوم شهر رمضان المبارك، وبجانب ذلك حديثها عن علاقة الزوجة بحماتها خلال شهر رمضان.
وقالت ياسمين عز خلال برنامجها كلام الناس: لازم تعزمي أهل جوزك مفيش حاجه اسمها العزومة تقيلة على قلبك، أهل جوزك زي أهلك وانتهزي الفرصة تصلحي علاقتك بحماتك، لوهتعملي فرخة لمامتك اعملي بطة لحماتك.
وأضافت ياسمين عز: يارت تقللي فطار وسحور بره البيت وفري الفلوس لزوجك وأولادك، وأنك تفطري مع فرعونك دي عزومة لوحدها، ولو فطرتي بره البيت شوفي المنيو الأول، ولما تتفرجي على المسلسلات متحرقيش له الأحداث.
تصريحات ياسمين عز
وسبق وقالت ياسمين عز: الراجل عنده قلبين واحد في صدره والتاني في رجله الخلفية ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة وراسة الهدية.
وأضافت ياسمين عز: سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص، والراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة.
ووجهت نصيحة للرجال بشأن هدايا عيد الحب، قائلة: يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير.متابعات
