عدن اوبزيرفر-دافعت الفنانة فريدة سيف النصر، عن الفنان محمد فؤاد بعد إحياء حفلة بالمملكة العربية السعودية، والتي أقيمت على مسرح بنش مارك، ونظمت من هيئة الترفيه السعودية برئاسة المستشار تركي آل الشيخ، مطالبة المهاجمين بالكف عن التنمر والتنظير وتصيد الأخطاء.
وكتبت فريدة سيف النصر عبر حسابها بموقع التواصل الاجتماعي فيس بوك: لله حسابات أخرى يا فؤاد يا محترم.. ما كفاية بقى يا جماعة تنمر وتنظير وتصيد أخطاء كفاية نذبح فنانين كبار على كلمة مجاملة اتقالت وهي صح عندهم أخلاق وحسن استقبال وكرم.
وأضافت فريدة سيف النصر: أنا لا بغني ولا بطبل ولا أنفع في العمر المحترم ده أعمل استعراض أو حفلة بأقول الحق ومش معنى أني أشكر في بلد يعني بلدي لأه، عمر دياب أكتر واحد بيجامل بس مش بالميكروفون وهما يتجاملوا بيشغلوا الناس اللي نسيناهم إحنا، لظروفنا مفيش حفلات.. هما السعودية دي مش عرب زينا ولا إحنا لازم نقلب الدنيا على بعضها.
وأوضحت فريدة سيف النصر: فؤاد محترم واللي في قلبه على لسانه مايستاهلش كده.. ولو كل واحد يلوم نفسه ويعاتبها على تصرف على صورة أو أي قرف مش هيتكلم على غيره.. إنسانيا بقى له كتير ماشتغلش وكان مريض.. مين عارف عملوا معاه إيه.. خلصنا بقى هو لا بنرحم ولا يعجبنا رحمة ربنا بعباده كفاية بهدلة في بعض..عيب ياحبايبي عيب.
محمد فؤاد يتعرض لانتقادات
وتعرض محمد فؤاد لحملة هجوم على السوشيال ميديا بعد حديثه على مسرح حفله أمس بالسعودية، إذ قال: حلم لنا كمطربين مصريين أننا نغني لـ أعظم ناس على وجه الأرض، السعودية ساكنة جوه قلب كل الوطن العربي، والشعب السعودي هو اللي علمنا يعني إيه أخلاق وكرم.
كما أشاد محمد فؤاد بالإنجازات التي تقوم بها القيادات في السعودية إذ قال: بشكر الجمهور السعودي كله والقيادة السعودية، والأمير محمد بن سلمان الملهم، وهو بيتكلم عايز يجيب الكون كله للسعودية ربنا يوفقه واحنا كلنا في ضهره، والوطن العربي محتاج لكل الأيادي الشريفة.. مصر والسعودية فيها قادة بتحب وطنها وببارك ليكم إن عندكم قيادة بتحب وطنها من قلبها.
