ساندي: «بطلت ألبس شورت.. والناس بيبصوا عليّا حتى في باريس»

فبراير 07, 2017
عدد المشاهدات 822
عدد التعليقات 1
متابعات
 
ذكرت الفنانة ساندي، إن ملابسها «القصيرة» في فيديو كليب أغنيتها «الحلم»، عرضتها لإحراج شديد، حيث أنه رغم تصوير الكليب في باريس، إلا أنها وُصفت بـ«المتحررة».

أضافت «ساندي»، خلال حوارها مع خالد عليش، مقدم برنامج «معاك في السكة»، عبر إذاعة «نجوم إف إم»، «الناس في فرنسا استغربت ملابسي، رغم أن أنا كنت في باريس، إلا أنهم شافوا إني متحررة أوي».

تابعت: «قولت أثناء تصوير الكليب (هو أنا لابسة قصير أوي كده؟ هي الناس بتبص ليه؟)، حتى في باريس كانوا بيبصوا عليّا».

استكملت: «الأغنية نجحت أوي بسبب الشورت، لأني بنت مصرية وعربية ومتحررة كده».

استطردت: «أنا بطلت ألبس شورت من زمان، إلا أن الناس لسه فاكرة، بقالي 5 سنين مش بلبس شورت حتى في البيت والله، أنا خلاص اتعقدت».

واصلت: «لو صورت الكليب ده بنفس اللبس، في شارع جامعة الدول العربية أو في وسط البلد، مكنتش هلحق أساسًا أنزل من العربية عشان أصور».